2011 ULUSLARARASI HRANT DİNK ÖDÜLÜ JURİSİ
Ամիրա Հասս
Ամիրա Հասս 1993-էն այս կողմ յօդուածներ կը ստորագրէ գրաւեալ Պաղեստինի մասին: Աշխատեցաւ որպէս թղթակից եւ խմբագիր: Իսրայէլի հասարակութիւնը ի գին բազում արգելքներ յաղթահարելու, Պաղեստինեան գաղթականներուն ճամբարներէ ներս ապրածները լսեց Հասսի գրիչէն: Ստացաւ 2009-ի Միջազգային Հրանդ Տինք Մրցանակը:
Թուրքիոյ «Խղճով մերժում» Շարժումը
Երկու երիտասարդներ՝ Թայֆիւն Կէօնիւլ և Վէտաթ Զէնճիր, 1989-ի Դեկտեմբերին և 1990-ի Փետրուարին, «Սոքաք» (փողոց) պարբերաթերթի միջոցաւ հրապարակեցին զինուորութեան պարտադիր ծառայութիւնը մերժելու որոշումը, որմէ ծնունդ առաւ «Խղճով մերժում» անուն շարժումը: Դատապարտութեան ժամանակ, կամ տանջանքներու ենթարկուելու պահուն, բողոքի ստեղծարար միջոցներու իրենց ձայնը լսելի դարձուցին: Վերջին չորս տարիներու ընթացքին, Եւրոպայի Յանձնախումբի Պատգամաւորներու Խորհուրդը տարին երկու անգամ Թուրքիան կը զգուշացնէ խղճով մերժումի մասին օրինական կարգադրութիւններ կատարելու համար: 2010-ին խղճով մերժողներու թիւը հասած է 210-ի, որոնցմէ 24-ը կիներ են և 3-ը՝ աչազուրկեր:
Պաղտասար Կարզոն Ռէալ
32 տարեկանին պաշտօնակոչուեցաւ Մատրիտի Բարձրագոյն ատեանին: Հարձաքննութեան մը ընթացքին յայտնաբերեց Սպանական ապահովութեան ուժերու և GAL անուն աջակողմեան մահափորձի դասակի (մանկա) մը յարաբերութիւնները: 1998-ին միջազգային արդարադատութեան հիման վրայ Անգլիո մէջ ձերբակալեց Չիլիի նախկին զօրավար Փինոչէն, Սպանիոյ հայրենակիցներու մահուան տեղի տալու մեղադրանքով: Այս դատը բազմաթիւ բռնակալներուն ապացուցեց թէ՝ անսահման չէ իրենց անձեռնմխելիութիւնը: Ընթացք տուաւ Եւրոպա, Ամերիկա և Ափրիկէէ ներս մարդկութեան դէմ գործուած յանցանքներու հարցաքննութեան: 2008-ին հարցաքննութեան ձեռնարկեց բռնակալ Ֆրանքոյի շրջանին կորսնցուած 114.000 Իսպանացիներու համար:
    |